سـلـيـم @04tui

أنا وشلون أبين لك ( غلاك ) ولهفتي لقياك أنا وشلون أعبر لك عن اللي بين طياته أنا لو قلت لك ببعد وأبرحل وانتحي وأنساك لساني !!! وأعرفه لازل ياشينه ... بزلاته تعال أرجوك شفني من رحلت وعبرتي تنعاك تعال وظمني ياحي ذا الطاري ... وظمآته تعال وداوني واللي خلقني يادواء بشفاك يقولون الجمر طب المريض ... بحر كيآته تعال وخل عنك الصد والهجران !!! مايزهاك حلاتك تواصل اللي يم دارك ( زاد جياته ) أنا والليل وأبيات القصايد في أمل ... لقياك أقول الشعر والليل الحزين يعد ... نجماته أماني عاشت بصدري ) أغاني داخلي تهواك ) تموت أن غبت وأن رديت عاش الليل وأبياته أنا ( مقدر ) على بعدك على صدك على فرقاك يموت بغيبتك قلبِ نزف لك ... حر حسرآته دخيل الصبح في وجهك دخيل الليل لاغطاك دخيل ( الرمش ) لا سير على خدك بسجآته دخيل الجمر والسكر دخيل البلسم ! الفتاك دخيل اللي تثني لين عذبني بـ رقصآته أحبك من هنا لاخر هنا لاخر هنا لهناك أحبك لعنبو حي الرضيع وحلو ... غفوآته

الذكي يجلد ظروفه ، ليش يجلد ذاته والحياة تحارب المتهاون ، المتطفل واجه الوقت المخيف وصك في صكاته لين تطلع منه سالم ، بالسلام مكفل والكلام اللي مثل ضرب المخازن ، هاته الرصاص الحي يا أما صاب ، ولا جفل لا تصير اللي : مع العالم على نياته بعد صار اللي على النيات ، شبه مغفل

- جمال بندر : تميل الريشه إللي فوق راسك مع هبوب النود ليا جيتي مابين الناس مغروره .. و مختاله ليا قالو لك إنك فارقه ؟.. قولي " عليكم زود " عليكم زود و أزينكم وجه .. مشروب فنجاله ياسبحان العظيم إللي فرق وجهك عن الموجود يجي و الناس حوله جالسين .. و كنّه لحاله أنا ماودي أشكر في حياتي غير ( أبوك العود ) مسوي له جمايل : بعد ما جاب أجمل سلاله

كل هذا الجمال أمام قلبٍ وحيد؟ ليه يا مذهل العالم محد يذهلك؟ . انت لو ترفع الغطوة يذوب الجليد ويخجل البدر ياخذ دورته فالفلك . تدري ان الشروق.. بجيّتك من بعيد ؟ وتدري ان اجمل الاشجار.. شجرة هلك ؟ . أنت يا فاتن النظرات.. خلقٍ جديد منت بـ إنسان ولا جنّ ولا مَلَك . ما تشوف الغصون وفارعات الجريد تنثني لك تقول انها تبايع ملك ؟ . إن كتب ربي اطيح بعيونك شهيد وين ابهرب وليه اهرب؟ وليه أسألك؟ . بسأل مساعد ربيّع.. سؤالٍ وحيد كيف بالله سيف العشق ما يقتلك؟ - جمال بندر

يا وجودي وجد مجروح الفوادي من هنوف ثوبها يجرح نهدها  شافها بالملعبة يوم العيادي طشت الشيلة و ماحت في جعدها  كنها بالملعبة صفرا ترادي بالحبال اللي ملواتٍ عقدها  سمعت أصوات العزاوي والهنادي من عياطير السطر يطفر زبدها  تحتري شيخٍ يقود ولا يقادي منكفٍ بطماعةٍ لحقوا طردها روحت مثل النعام امع الحمادي يوم سمعت صوت خيالٍ رهدها  بنت شيخٍ ما ينافس بالشدادي كلمته كل القبيلة تعتمدها  ما تلد بعينها في شخص عادي ولا يسود الغابة إلا حكم أسدها  أتفق معها على غير الفسادي ايتزوجها وياخذها بيدها  فوق خبرا جمعت كل البوادي كل من علم بها شد ووردها  سيلتها يوم هل قران حادي مزنةٍ كبر القطاة أصغر بردها  وكل مدة قيضهم والوضع هادي وأن حصل له فرصة جدد عهدها  لين قام الحر ينقص والبرادي يتزايد والمزون أوحم رعدها  ناحرت لديارها قطم التوادي أورحت ريح الحيا يمت بلدها - عبدالله بن زوبين

«لعل الغيبه تزيد الغلا، و تلهّف الأرواح و أعود لك بشوقٍ يختلف عن ماضي أشواقي» عويد النجود

ارحمي من راح في حبك دمارى ياعيون الصقر يارقبة الغزيّل انتي اللي تستحقين المدارى والزعل على عيونك لا يخيّل لعنبوك انتي دمارٍ للعذارى بالجمال وبالجديل ليا تميّل نور وجهك يشبه لشمس النهارى اشهدني رحت مثل ابن سبيّل الشفايف كنها عيون السهارى وطاب حظي يوم خليت الخبيّل

تبرّيت من صوتي بعد ما علي قسّاك ووقفت لا ذاكر دروبي ولا ناسي اعرف اتكلّم لين اجي لزعلك ورضاك اشوف الكلام اصغر بواجد من احساسي وانا والله ان البسمه اللي تمر شفاك ادوّر عليها كنّي ادوّر أنفاسي ناصر مناحي

«لا زلت اقول الحي بيصادف الحي رغم اني اواجه معاك الف عده قيدين في رجلي وقيدين ف يدي وبيني وبين الوصل عشرين شده وش اللي مجلّس طيوفك حواليّ وانا مسافر روحه بدون رده»

ياخذني الشوق لـ سنينٍ طواها الغياب راحت وللحين في صدري مراتيعها ما ضعت قبل المفارق والجفى والعذاب من عقبها هذي اول ضيعه " اضيعها " اطرد وراها ، وانا ادري طاردٍ لي سراب وازهم عليها ! وانا ادري صار توديعها اعيش في ديرتي واحمل شعور اغتراب حتى الذعاذيع ما عادت ذعاذيعها من اول الحزن من بيني وبينه حجاب واليوم مليت ضحكاتي بـ تصنيعها " اصد صدّة يتيمٍ من عنا الفقد ذاب لا جابوا علوم الاحباب ومواضيعها ما شفتها بالعذارى ناقشات الخضاب ما فيهم اللي شقى روحي بتلويعها عندي لها عهد يبقى لين يوم الحساب وغلاتها سر ، لو اموت ما اذيعها " — مبارك بن وافي

طاوعت نفسي ، و رغبتها لـ ماله مدى و النفس خسران رجالٍ خذا رايها و دسّيت جرحي لجل مايفرحون العدى يالله بوجهك من عداي ، و تزرّايها مسافتي جمر ، و الخطوة ضلال ، و هُدى و النار ماتحرق الّا رجل وطّايها حبيبتي ليت لك صوتٍ يرد الصدى يوم اصقه الناس ماهو مثل وحّايها خَليَت يديني من يدينك ..، و قلبي غدى بضاعةٍ بين بايعها ، و شرّايها ماعاد باقي لك بصدري بقايا .. عدى قصايدٍ تستحق اعجاب قرّايها كتبتها في حَور عينك ، و راحت سُدى و الحين بلّي ورقها ..، و اشربي مايها

عز الله اني ظلمت اسمي وميقافي واخطيت في حق نفسي والخطا وارد هقيت فيك الهقاوي وانت يا كافي ما ابرد من اعذارك الا وجهك البارد

َ تم إلغاء «مشينا على كيفك نبي خاطرك ينساح ندور سعة صدرك لو انها تضايقنا» والآن «ما حنا على ضيقتك يا الأجودي دارين لا صارت بدون أسباب عساك ماترضى»

ياحبيبي صاب منزلك بالصدر انهيار صرحك اللي كد بنيته وراك تدمــره كان باقي لي بمهجتك لو كبر الزرار اعتذر والمنزل اللي دمرته عمره ياعيون اللي اليا ضف جنحانه وطار ومخلبه في صدر برقا الجناح يسمره والشفايا جمرتينٍ تواهج وسط نار توها من حر صلو اللهيب مجمره انت كلك نار تجمع بياضٍ مع حمار تقل شمس دوبها للمغيب محمره والنهود صغار والبطن هافي تقل غار والردايف بالثياب الطوال مشمره والشعر يلمع على الضي من قو الشقار بشت امير تو امير الرياض مومره عبدالله بن زوبين

وانا شلون بنسى يا محمد ملام بخيت؟ بعد ما هقاا فيني .. وخيبت هقواته !

وعيونها إللّي رماح الموت حرّاسها تقدر تسولف علىٰ الواحد وهي تذبحه » — ناصر مناحي

@sd280 ياسلام يامبدع 👏🏻👏🏻

@majed_almhl مزيد الوسمي يا بعد من للمحب وناره المشبوبه وش يقال بحضرتك ولا وش يغنّى بك غيبتك عامين في عمر الغلا محسوبه من يقول العمر مايوقف عشان غيابك كنتي المحبوبه ولا زلتي المحبوبه لو ماعاد احبابك اللي تعرفين .. احبابك والجروح اللي على روض الحشا مكتوبه فدوتك لو ما تموت وتندفن بترابك

الشوارع كئيبة والمدينة تحيّر والقلق منتشر بين البشر والمباني أختفي ، وأتضايق ، وأحترق ، وأتغيّر في مكاني وأحسّ إني ماني في مكاني ليت الأيام ترجع بي يوم إنّي صغيّر للهوى ، للفيافي ، للصبا ، للأماني الشغف قلّ والعمر القصيّر.. قصيّر غير هذا العمر محتاج لي عمر ثاني — مشاري محمد