يوسف كميّخ المطيري @7ellt

صباح الخير يارفاق ، أما بعد : العطاء جزء من الذات وليس الكل يمتلكها وهو سلوك ذاتي للشخص وقليل من يوفق إليه ويقول بن شايق الله يرحمه : الظروف تفر راسي وانا بالي طويل ما ذبلت عزوم .. نفسي ولا ذليتها الليالي ما عطتني سوى الشي القليل بس روحي من قليل العطا أغنيتها

على فياض الفخر نوّ السحاب المليح يسقي ديارٍ لـ حمران النواظر تْمِطِرَه حنا سبقنا الزمان وفعلنا مستشيح ما نهتوي بالمواقف غير ما نِكْبِرَه ونجد العذية لنا فيها مقام وعزٍ رجيح وغزواتنا في جهات الكون مستَعْمِرَه في ظلنا يامن الخايف وينسى النزيح واللي وزى في حمانا يبشر بْمِخْبِرَه وإن صاحت الحرة في وجه النهار القبيح نثور مثل الصواعق والعدا تْخَسِرَه عزوةٍ لـ أخت الرجال فعلنا المستبيح من مس مرفوع قدر بنتنا نِنْحِرَه نرخي العمار الغالي عند وجهٍ سميح واللي كسر عزها بسيوفنا نِكْسِرَه (علْوى) لظى المعركة يوم الرخيمية ضبيح تقلب عجاج المنايا والخصم تِبْتِرَه (بريه) نطّ الرقيب برأس مشذوبةٍ صِريح يومٍ جثاث العِدا بالضلع مُسْتَعْبِرَه و(أولاد عبَّاد) بيوم اليابسية تِبِيح روس العدا من غضبهم والضد تْأَسِرَه لابة قدم في السنين وبأسها ما يِشِيح تاريخنا من فعلنا بالقلم نِظهره نثثبت ليا هزت الأيام غصن النصيح وترس الجزيرة عزاوينا ليا الْمِجْهَرَه أبهى المجالس لنا فيها مقام الفصيح ومباهر العز دون الضيف مُسْتَأْمِرَه يا جاهلٍ في بطولتنا سؤالك شحيح انشد سيوف المعارك وأم الجماجم تِشهره القول يفنى وفعل الطيبين الصحيح يبقى منارٍ ليوم الحشر نَسْتَذْكِرَه - يوسف كميّخ #مطير #شعر

احكم خطاك و خل كفك جزيله اضحك ولو كشر زمان الشدايد و إن ضاق صدرك لا تبيّن دخيله الصبر زينٍ و المواقف شهايد لو كان جرحك من زمانٍ طويله تلقى مع الأيام جابر و فايد لايضيق صدرك من سوالف هبيله الوقت شغله يفرز الناس زايد اعرف مقامك بين ربع و قبيله و لا ترفع الصوت تشب الوقايد وإن جاك من بعض الوجيه الرذيله خلّك بعيدٍ و الردى لا تعايد خاو العزيز اللي دروبه فضيله ما كل من جاك ابتسم لك محايد و إن قيل وين الفعل نبدي دليله و الطيب يبقى لو تغيب العوايد و أهل المهار اللي تقود الجميله ما تذخر المذخور يوم النكايد و أسمك إذا نادت عليه الفتيله يجون لك ربعه وساااع البنايد - يوسف كميّخ

ماهو بشرط أعجب جميع الناس أنا ماكل الناس تعجبني !

صاحبك صان العهود الصادقه وأصبح غريمه الهوى اللّي ساقني لك ساقني يمّ السلامه - يوسف كميّخ

يا عيونٍ كنّها القمة بتوقيت النزاع كل دولة تحسب حسابك وترقب موقفه والعفاف بوجهك الطاهر مثل خط الدفاع حاميٍ حد المحبه من غرامٍ يجرفه أنتِ أراضي السيادة وأنا لاجئ ضياع و السفارة مغلقة .. والمواني مَوقّفه الولاء لْـ حضرتِك فرض .. ما فيه انصياع و السيادة واضحة .. ماهي بْمتزيفه تعاندني نفوسٍ ما لها بالبعد صاع ونفسٍ تبي الفكه .. ونفسٍ متكيفه والحضور إن مرّ طيفك يملأ الدنيا اتساع والقلوب اللي تحبك في هواك مْشرّفه يا غرامٍ يملأ الكون من عقب انقطاع في حماه الروح من كلّ ضيق يخوّفه راسيٍ عقلك ليا مالت عقول الرعاع شامخٍ عن سكة الموضة المتكلفه تحسبين الصد غربه بمفاهيم الصراع و الله إنه حكم ذاتي و مجدٍ نعرفه المواقف لي تبرهن و أنا طويل ذراع والنوايا خلف صمت المحاضر مغلفه والتخصّر فتنةٍ تمشي على حدّ الشعاع والقوام الطاغي يثير الشغب ثمّ يتلفه و الوجاين تشفي فوادٍ صابه الالتياع حر صدري مع حنانك لا من ولّفه ما نويتك بالردى يا بعد عين الشجاع عاشقك يقفي و نفسه بالوقار مْكلفه والجدايل فوق متنك لها أمرٍ مطاع كنها دولة نفوذ ٍ و القلوب موظفه - يوسف كميّخ

@__thabt محد

هقيتك تعتذر و تجي تراضيني و أنا سمّاح و أقول الخطا وارد ولو كبرته ظروفه أثاري جرحي بقلبك غدى للتسلية مسباح تفرّه في كفوف الصدّ و الخلّان مشغوفه بنيت من الوفا قصرٍ و ذعذع به هبوب رياح و هدّيت الغلا من عقب ما زانت لنا شوفه عفا الله عن هوى نفسٍ تذوق المرّ ما ترتاح و عن قلبٍ يسامح من جرحه و زادت حتوفه قضى ثلثين من صبري و باقي هالعتب ما باح مشينا في طريق الهجر و عيني فيك مكفوفه غسلت اليدين من الهوى و الزمان شحاح و لا عاد تجذبني من الغيم قنّوفه تعدّيت السراب اللي طردته و الظما ذبّاح و لا تبكي على مقفي .. عيونٍ غير ملهوفه أبستر ما دفا بصدري و أداري جرحي اللّماح و أسوق الركْب عن دارٍ غدت بالزيف مصفوفه طوينا حبال الود و اللي مضى قد راح و لا عاد تغريني عهودٍ غير مخلوفه سلام الله على وقتٍ جمعنا و الغرور إجتاح سلام ٍ ما وراه الا .. طيوف ٍ غير مألوفه - يوسف كميّخ

@__thabt vamos argentina

@__thabt ودع الملاعب

@__thabt الامور طيبه ورانا الدفاع الكويتي ولا هو بحي الله دفاع

يا من غدا وجهه مِثِل طلعة النور برق الحيا من رمش عينك شحني إن غبت عن عيني غدا الكون مهجور وسجات طيفك بالدقايق فتني أنا المعنى في هواكم ومأسور وقلبي لغيرك بالهوى قد نكبني يا من غرامك داخل الصدر مذخور وصلك دواي وبعدكم ممرضني لا تترك الخاطر من الوجد مكسور وهقوات هجرك بالردا يذبحني صوتك يبل الخاطر الشف بسرور وليا هرجت بحلو لفظك ذهلني لو دارت الأيام والوقت ب يدور حكم المقدر في غرامك سجني العهد وثقته على العز مخبور لو شانت الأيام ما خاب ظني - يوسف كميّخ

يا سهر عينٍ تمنّى مع الليل المراح لـِ العيون اللي تعزّب غلا معشوقها ترف يذوّب ريقه العذب لذّات القراح كن المحاني تلتهب من شفوقها طارت عقول الرياجيل بـ غروٍ يوم شاح داحم بـ زينه العذارى و كاسرٍ سوقها حبه بـ عوج الحنايا لجا ولا هو يزاح كن وده في عظامي يجس عروقها صابني رمشٍ يثوّر مثل رمي السلاح و الذخاير فالمخازن يِعَشِّقْ شوقها إن عذلني فيه عاذل عطيته للرياح ما درى عن غادةٍ ذبّحتني بْـ موقها لو جمعت دموع وجدي على جرد الصفاح لـ أنبتت صم الصخاير خزامى طوقها ما هويت بـ دنيتي غير غايات الفلاح الموده بـ النزاهه سمت بْـ طروقها النقا ساس الهوى ما ندوره بشفاح و النفوس الراهيه ما تشين و فُوقها صنت عهد المودة و لافيني شحاح شيمتي تمنع عيوني تفزّ بْـ بوقها الهوى طاهر عفيفٍ ولا يبغي كفاح غير صدق المشاعر يبرْق بروقها عزّيت نفسي بـ شيمهْ على بيض الجناح دايم وهي بالهقاوي تجي من فوقها - يوسف كميّخ