Ehab @OnlyPassesBy

كنت فاكرها حكايات… لحد ما حصلت معايا نصاب يتصل يقولك أنا مندوب أمازون... والمرعب بجد...ان اللي بيكلمك عارف آخر أوردر بكل تفاصيله! ويقولك بكل مسكنة... سلمت الشحنة من غير الرقم السري… وبعتنالك كود تأكيد في رسالة ويطلبه منك علشان يقفل الأوردر… بس الحقيقة؟ ده مش كود تسليم… ده كود دخول حسابك! أنا اتعمل معايا نفس السيناريو… ولو متركزش ثواني حسابك يطير.... أي كود يجيلك = سري جدا مهما قالك تسليم شحنة أو غيره… متبلغش حد بة... النصب زمان كان غبي… دلوقتي بقى حافظك وبيكلمك باسمك وعارف انت اشتريت ايه واستلمت ايه وامتي...

أعلنت البورصة المصرية عن إطلاق عقود مستقبلية على سهمي البنك التجاري الدولي ومجموعة طلعت مصطفى القابضة، على أن يبدأ التداول عليها اعتبارًا من جلسة 18 يونيو 2026. الخبر ده يمثل تطورًا مهمًا للسوق المصرية من حيث جذب مستثمرين جداد و اهتمام اكثر من المؤسسات و الصناديق الاستثمارية. بالنسبة للعقود الاستثمارية لم يتضح الي الان آلية التداول عليها في البورصة و لكن هي بشكل كبير هتعتمد علي الهامش او ما يعرف باسم ال Margin ، أي أنك لا تدفع كامل قيمة العقد، بل نسبة منها كضمان. لذلك يمكن تحقيق أرباح كبيرة مقارنة برأس المال المدفوع، لكن الخسائر أيضًا قد تتضخم بنفس الطريقة و اخيرا سهمي ال CIB &TMGH هو المحركان الرئيسيين في المؤشر الرئيسي للبورصة المصرية EGX30 فنحن علي وشك رؤية المؤشر الرئيسي فوق ال 70000 نقطة بنهاية ٢٠٢٦

الدوري في ميت عقبة 📍🏆 #Zamalek | #MostTitledIn20C | #الزمالك_أولًا | #أكبر_قلعة_رياضية

اكتر حاجه عجبتني في الفيديو انك راجل وابن راجل علشان أنت متكسفتش من امك وهي في شغلها 🥰 العمل الحلال عمره ما كان شىء ممكن نخجل منه بل شىء نفتخر ونتباهى بيه❤️ يسلم ابوك و امك على تربيتك و تعليمك الأصول والجدعنة ربنا يكرمك و يخليها ليك يارب ويبارك فى أهالينا كلنا🤲🙏🥰

أماكن للعلاج النفسي بأسعار رمزية في القاهرة واسكندرية واونلاين أولا اي حد حاسس انه محتاج مساعده نفسية عاجلة يتواصل مع الخط الساخن للصحة النفسية (وزارة الصحة) 📞 16328 🔹 مستشفى الدمرداش - الكشف: ٥ جنيه - أيام: الأحد والاثنين والأربعاء - من ٨ لـ ١٠ صباحًا - الجلسات بتبدأ من ٢٠ جنيه (ومش شرط أسبوعية) 🔹 مستشفى العباسية - الكشف: ١ جنية فى العيادات الخارجية - الجلسات النفسية بنفس السعر تقريبًا 🔹 مركز الإرشاد النفسي - جامعة عين شمس - الجلسة بـ ٢٠ جنيه - خدمات نفسية للأطفال والكبار 🔹مستشفى جيهان بالاسكندرية "شرق المدينة " - فيها عيادة نفسي وبأجر رمزي لازم تعرفوا إن القائمين على العلاج أكبر الأساتذة فلو تعرف حد محتاج دعم نفسي ومش قادر ماديًا، ساعده يعرف الأماكن دي. الأطباء محترمين، والعلاج متاح، والفرص حقيقية. ✋ بلاش نستهين بالاكتئاب أو أي اضطراب نفسي ✋ وبلاش نتنمر على اللي بيروحوا لطبيب نفسي اللي محتاج يتكلم، يسمع، أو حتى ياخد استشارة... يستاهل فرصة. #الأمانة_العامة_للصحة_النفسية

شاهد هدف الزمالك الأول في شباك شباب بلوزداد ⚽️ #كأس_الاتحاد_الإفريقي | #شباب_بلوزداد | #الزمالك

الإنسان مش بيقيّم المكسب والخسارة بطريقة متساوية. لو حد كسب 100 دولار… هيفرح. لكن لو خسر 100 دولار… الألم النفسي اللي هيحسه أكبر بكتير من فرحة المكسب. يعني الخسارة في دماغنا وزنها النفسي أكبر من الربح… رغم إن الرقم واحد وده اسمه Loss Aversion. العقل البشري عنده حساسية شديدة تجاه الخسارة… لدرجة إنها أحيانًا بتشوه طريقة اتخاذ القرار بالكامل. والموضوع مش مجرد فكرة نفسية… دي حاجة بتفسر سلوكيات ضخمة في الاقتصاد والشركات. خلينا نشوف ده بيظهر ازاي في عالم البيزنس. في الاستثمار مثلًا…كتير من المستثمرين بيبيعوا الأسهم اللي كسبت بسرعة عشان “يقفلوا المكسب”… لكن يحتفظوا بالأسهم الخسرانة أملًا إنها ترجع. ده سلوك معروف جدًا في الأسواق المالية اسمه Disposition Effect. العقل بيحب يشعر إنه كسب…لكن يرفض الاعتراف بالخسارة..في الشركات كمان بيظهر بشكل أوضح. شركة عندها منتج واضح إنه فشل في السوق… لكن الإدارة تفضل تضخ فيه فلوس سنين عشان مش عايزين “نعترف إننا غلطنا”. ده اللي بيسموه في الإدارة Sunk Cost Fallacy… إنك تفضل تستثمر في قرار خاسر لمجرد إنك استثمرت فيه قبل كده. مش لأن القرار صح و لكن لأن الاعتراف بالخسارة مؤلم وفي ريادة الأعمال بيظهر بشكل مختلف شوية هتلاقي كتير من المؤسسين بيختاروا يلعبوا السهلة بدل ما يتعاملوا مع القرارات الجريئة. يعملوا نسخة مكررة من منتج موجود… يمشوا في سوق مزدحم… يقلدوا نموذج ناجح. ليه؟ لأن الفشل في فكرة تقليدية “أقل ألمًا نفسيًا” من الفشل في فكرة جريئة. وده paradox غريب الحقيقة أحيانًا محاولة تجنب الخسارة… بتخليك تخسر فرص أكبر بكتير. علشان كده المستثمرين الكبار ورجال الأعمال المخضرمين بيحاولوا يفصلوا بين المشاعر و المخاوف و الاحتمالات الحقيقية . القرار الصح في البيزنس مش اللي يخلّيك تحس بالأمان دلوقتي… لكن اللي يزود احتمالية النجاح على المدى الطويل. طريقتنا التقليدية في تقييم الأمور كالآتي: اللي عندك دلوقتي… هو الطبيعي. أي حاجة أقل منه… تعتبر خسارة. وأي حاجة أعلى… تعتبر مكسب. لكن في الحقيقة… النقطة المرجعية دي مجرد تصور ذهني. وفي عالم الأعمال تحديدًا… النجاح غالبًا بيحصل لما تغير النقطة دي. لما تشوف التجربة مش كـ “مكسب أو خسارة”… لكن كـ learning loop. كل تجربة يا إما بتجيب فلوس…يا إما بتجيب معرفة. والاتنين استثمار. الوعي بالحاجات دي بيفرق جدًا في القيادة… وفي الاستثمار… وحتى في حياتنا الشخصية. لأن في الآخر… أكبر خطر في البيزنس مش إنك تخسر. أكبر خطر… إنك تفضل واقف مكانك عشان خايف من الخسارة و تفضل واقف عالشط بتتفرج و تلعب السهلة و خايف تجرب المركب عشان متتخربش منك

هيجيلك فتره هتبقى عايش فيها من غير روح كل همك ان يومك يخلص عشان تنام وتبعد عن الواقع ولما تنام هتتمنى متصحاش عشان متواجهش الواقع

- لو حصل استهداف مفاعل ديمونا مش محطة كهرباء نووية زي بوشهر، ده مفاعل أبحاث/إنتاج مواد نووية (بلوتونيوم وتريتيوم) في مركز شمعون بيريز في النقب. -جغرافيًا، ديمونا في صحراء النقب، تقريبًا 25 كم من الأردن و75 كم من مصر وقرابة 85 كم جنوب القدس، فلو حصل إطلاق كبير؛ السحاب ممكن تعدّي الحدود حسب اتجاه الرياح وقت الحادث. بوشهر خطره هوائي + بحري( مياة التحلية، أسماك)، بينما ديمونا خطره أساسًا هوائي/أرضي وحدودي، مركز على إسرائيل والأردن والمناطق الأقرب، مع احتمالات أضعف لكن قائمة لتأثر مصر وشمال أفريقيا وأوروبا بتراكيز منخفضة جدًا حسب حالة الغلاف الجوي وقت الحادث. - اتجاه انتشار المواد المشعة مش ثابت؛ نماذج نقل الهواء (HPAC) أظهرت إن في أول 24–48 ساعة ممكن يتأثر: جنوب إسرائيل، الضفة/فلسطين، الأردن، ولبنان وسوريا في بعض السيناريوهات، مع احتمالية وصول أقل لمصر حسب حالة الجو. - بالتالي، الأكثر حساسية مبدئيًا جنوب إسرائيل ومحيط ديمونا، الأردن، والمناطق الفلسطينية القريبة؛ بعدهم ممكن يتأثروا بدرجات أقل مصر (خاصة سيناء وشمال غرب السعودية) ثم سوريا ولبنان بتراكيز أضعف وعلى مدى أبعد. - مقارنة بتشيرنوبل: ديمونا مش مفاعل ضخم ولا محطة قدرة مدنية، فالنتيجة مش بالضرورة «تشيرنوبل جديد»، الخطر في حالة استهدافه مش بس من قلب المفاعل، لكن كمان من الوقود المستهلك ومنشآت إعادة المعالجة والمواد المشعة المخزنة في الموقع؛ حجم الإطلاق الإشعاعي هيعتمد على إيه بالضبط اتضرب (قلب المفاعل، أحواض الوقود، مباني المعالجة، أنظمة التبريد… إلخ)… ولو الضربة أصابت الوقود/المواد المشعة مع حريق أو فقد تبريد، يبقى حادث إشعاعي خطير محليًا وإقليميًا، مع احتمال حدوث حالات سرطان. - إقليميًا، مصر مش أول دولة على خط النار لكن قريبة بما يكفي إن التأثر يبقى جدّي لو اتجاه الرياح مناسب؛ مع ذلك، التأثير الصحي داخل مصر في أغلب السيناريوهات يفضل أقل بكتير من التأثير المباشر على الأردن/فلسطين وجنوب إسرائيل، وغالبًا يظهر كتراكيز قابلة للرصد أكتر من كونه كارثة صحية واسعة. -الاجراءات الوقائية: • قبل وقوع الانفجار جهّز شنطة طوارئ بسيطة في البيت: مياه معدنية، أكل معلب كام يوم، أدوية أساسية، كشاف، بطاريات، نسخ من الأوراق المهمة. • وفي حالة الانفجار لا قدر الله اقفل الشبابيك والأبواب كويس، واطفي التكييفات والمراوح اللي بتسحب هوا من برّه لو كنت في الشارع وفيه احتمال غبار إشعاعي شيل الجاكيت/الطبقة الخارجية من اللبس قبل ما تدخل البيت، حطها في كيس مقفول وسيبها في مكان بعيد عن الناس. •ما تاخدش أقراص يود أو أي دوا وقائي من الإشعاع من نفسك؛ استعماله غلط ممكن يضر الغدة الدرقية والقلب. وربنا يحفظنا كلنا.

@

57 years ago

0 0 0 0 0

الشقة هي العنصر الاهم فى الزواج بغير تواجدها ينتهي مشروع الزواج للشباب بسبب وجود ملايين اللاجئين اصبح الايجار يفوق قدرة ٨٠% من الشباب اما تملك شقة فأصبح مستحيلا كيف لمن دخله 10الاف ج ان يفكر فى ذلك حتى شقق الدولة فتستنزف 60% من الدخل و30% مواصلات فكيف يعيش بالباقي

البنتين دول اخوات ابو،هم وامـ،هم منفصلين وهما ٤ اخوات فبينزلوا يبيعوا شربات واحزمه بالحلال عشان يقدروا يوفروا جزء من احتياجات اخواتهم بنات في طفولتها وبتسعى تأكل بالحلال لا فتحوا لايف تيك توك ولا اتسو،لوا لحد ، حتى اللي ناشر قصتهم قال انهم متعففين جدا وكانوا حتى رافضين الكلام معاه المهم انهم بيكونوا موجودين بعد الفطار في حلوان شارع المراغي تقاطع راغب امام محل كابتن سمسم اللي قريب منهم يروح يشتري منهم وياريت حد من رجال الاعمال يبص عليهم واحنا في شهر كريم وايام مفترجه يعني الاجر مضاعف ان شاء الله ❤️ منقول

keyboard_arrow_left Previous keyboard_arrow_right Next

المهندسين المصريين الأكثر ابداع على هذا الكوكب 🇪🇬 الفكره جميله ومنطقية ولكن هل قابله للتطبيق👇

#حملة_العشرة_جنيه النهاردة لمستشفى الدمرداش (مستشفى جامعة عين شمس ) المستشفى اتأسست 1928 و بتقدم خدمات طبية لحوالي مليون مريض سنويا … ممكن تتبرعوا عن طريق فوري بكود 989 أو التبرع المباشر لحساب رقم 77999في البنوك المصرية (الأهلي، مصر، CIB) أو عن طريق انستاباي .. كل جنيه بيفرق ❤️❤️

لا تتجاهل هذه الأعراض …!؟

الفترة اللي فاتت انتشر بشكل كبير استخدام الذكاء الاصطناعي في عمل صور جنسية مزيفة لستات وأطفال على الإنترنت. لو تم نشر صورتك، بنفكرك إن المساعدة موجودة، ولو حابة تمسحيها -من غير ما تاخدي إجراء قانوني عشان لو هتبلغي لازم الصور تكون موجوده- يكون قدامك أكتر من اختيار: 1. StopNCII تقدري تبلغي من خلال StopNCII.org لو انتي فوق 18 سنة، والصور اللي اتعملت ليكي صور جـنسية. ادخلي على الموقع واختاري “قم برفع قضيتك” واتبعي الخطوات. 2. Speak Up Helpline تقدري تبلغي عن طريق Speakupeg.com/helpline .. حتى لو انتي تحت 18 سنة، أو لو الصور مش جنـسية بشكل صريح. لو اتعرضتي لده، بنفكرك إن ده مش غلطتك، وإن اللي حصل جريمة. ما تكلميش المبتز وما تبعتيلوش فلوس، والجأي للجهات اللي تقدر تدعمك سواء قانونيًا أو في حذف المحتوى. stopncii.org speakupeg.com/helpline/ We are seeing the growing impact of AI-generated intimate images. If your photo was shared online and you only want it removed — without taking legal action — you have several options available: 1. StopNCII You can create a case through StopNCII.org to help prevent AI-generated intimate images from being shared across participating platforms. You must be over 18, and the images must be sexual in nature. 2. Speak Up Helpline You can also report through Speakupeg.com/helpline . This option is also available even if you are under 18 or if the images are not explicitly sexual. If this happens to you, remember: it is not your fault, and this is a crime. Do not engage with the blackmailer or send money. Reach out to organizations that can support you with legal steps or content removal. Fake and AI-generated sexual images are abuse. Help is available. Report them and have them removed. stopncii.org speakupeg.com/helpline/ @StopNCIIorg

@i_Tasneemm مبروك، ربنا يتمملكم على خير

بيزنس المقابر فى بداية التسعينيات من القرن الماضى، فوجئت بأبى – الذى كان قد خرج على المعاش قبلها بسنوات قليلة - يخبرنا مبتهجا بأنه استطاع شراء مقبرة خاصة بالعائلة فى محافظة الجيزة على طريق الفيوم ، ولم أدر وقتها سر سعادة أبى بهذه المقبرة ، خاصة أننا لدينا مقبرة فى قريتنا بمحافظة الدقهلية، وفسر أبى- رحمه الله وغفر له- سر فرحته، بأنه بعد موته سيكون قريبا منا فتسهل علينا زيارته، وحتى لايجهدنا بالسفرإلى قريتنا البعيدة. كان أبى كل جمعة يصلى بجوار شقتنا المتواضعة فى منطقة العمرانية، ثم يتوجه بالمواصلات إلى مقبرته ويظل جالسا هناك حتى يحل الظلام، محاولا نسج ألفة مع المجهول بقراءة القرآن الكريم، يعود إلينا بوجهه البشوش وبنظرة كلها طمأنينة يقول لأمى: مش ناوية تيجى معايا هناك تتعرفى على جيراننا، دا الهوا هناك يرد الروح. أمى كانت ترد ممازحته بالرفض وأنها ليست متعجلة الموت. مات أبى بعدها بسنوات قليلة ولحقت به أمى بعد عشر سنوات، وبعدها بقليل لحق بهما أخى ثم أختى مؤخرا، رحمهم الله جميعا. فهمنا متأخرا نظرة أبى البعيدة لأهمية الاستعداد للآخرة ببيت يأوى أجسادنا إلى أن نلقى وجه الله الكريم. لفتت زوجتى نظرى أننا يجب أن نشترى مقبرة لأسرتى الصغيرة، بعد أن أعلنت محافظة الجيزة طرح مقابر بالقرعة مساحتها 20 مترا، قيمتها 270 ألف جنيه، على أمل أن تصيبنا القرعة، خاصة وقد امتلأت مقبرة أبى بعد أن انضم إليها زوج شقيقتى الذى اختار أن يكون برفقة أبى وأمه وزوجته . كانت هذه المرة الأولى التى أعرف فيها أسعار المقابر التى اعتقدت- جاهلا- أنها أصبحت غالية الثمن وأنها ستكون عزيزة على الفقراء الذين عاشوا يحلمون بشقة تمليك ليكتشفوا فى نهاية الرحلة أن ماجمعوه من تعب وشقاء لايكفى ثمن قبر يوارى أجسادهم . منذ أيام قليلة مضت، اشتد المرض بصديق عمرى، وأيقنا- مع أسرته- أنه ليس أمامه فى الحياة إلا القليل، وبدأنا نناقش مكان الدفن، وفوجئت بأن صديقى النزيه الشريف، ابن الأكابر، ليس لديه مقبرة فى القاهرة، وأن مقابر عائلته فى قرية بعيدة بمحافظتى الدقهلية. فتساءلنا لو كان يملك قراره الآن، فماذا سيختار، واتفقنا أنه كان ليشفق على أسرته من عناء السفر، خاصة أنهم سيتحملون أى مشقة لزيارته، لذا كان سيختار أن يشترى مقبرة فى القاهرة. وهنا بدأت رحلة صادمة وقاسية للبحث عن مقبرة فى أسرع وقت. اتصلت بزميل صحفى له علاقة بمحافظة القاهرة أسأله عن وسيلة لشراء مقبرة، فأخبرنى بأنه لايوجد طرح الآن وليس أمامى إلا إعادة الشراء من سمسار أو من يمتلكون أكثر من مقبرة. كانت هذه أول مرة أسمع هذا التعبير عن المقابر التى تطرح بالقرعة وبأعداد محدودة، هل وصل بنا البيزنس إلى التجارة فى الموت، لا حول ولاقوة إلا بالله العلى العظيم!! اتصلت بصديق صعيدى أصيل أسأله، فقال لى أعرف سمسارا فى مقابر قريبة بالقاهرة الجديدة، انتظر معى- هكذا قال لى- وسمعت صوتا على الطرف الآخر : «تؤمر ياباشا عندى كل طلباتك، فيه واحدة 20 مترا بس هى مش ناصية، مطلوب فيها تلاتة مليون» نعم نعم بتقول إيه 20 مترا بتلاته مليون؟ ليه هاسكن على النيل. هكذا رد صديقى وأنا مذهول من الرقم. فرد السمسار:» ياباشا المقابر ولعت، دى الناصية الأربعين مترا بخمسة وستة مليون!. الصدمة ألجمتنى وقلت الواحد يشترى استوديو متواضعا بنفس المبلغ ويقبر فيه أرخص. لجأت إلى فيس بوك وحصلت على رقم سمسار فى مقابر طريق السخنةً وحددت معه موعدا، فالوقت يدهمنا والموت لاينتظر أحدا. اصطحبت إبن صديقى وذهبنا، ليصحبنا السمسار فى جولة لنعاين عشرات المقابر المعروضة للبيع والأسعار من مليون وأنت طالع ، ومقابر هيئة التعمير غير مقابر المحافظة، ويفاجئنى السمسار بسؤال مندهش: معقولة ياأستاذ مااشترتش اتنين لنفسك، دا مشوار واحد للمحافظ يخلص كل حاجة!! الأستاذ فلان والأستاذ فلان وفلان وفلان، كلهم شاريين اتنين من الكبار، بيبيع واحدة ويخلى واحدة. بتعمل فلوس حلوة أوى وحضراتكم بتاخدوا مواقع مميزة!. مات صديقى وانتقل إلى رحاب ربه ودفن حيث أراد الله، وعدت بأسألتى المحبطة وأن أتحدث مع أبنائى الشباب، فقال لى أحدهم، يعنى أشتغل عمرى كله وأحوش ليس من أجل شقة ولكن من أجل مقبرة تؤوينى!. اكتشفت بعد البحث عن المقابر فى العالم، أننا فى مصر ــ صاحبة المساحة الشاسعة ــ الأعلى ثمنا من بريطانيا وفرنسا وألمانيا، وأن الحكومة عليها أن تهتم بهذا الملف، وليتها تبدأ بفتح ملف بيزنس المقابر، مثلما تفعل الآن مع الشباب الذين يشترون الشقق الجديدة، فتسحب المقابر من كل من حصل على اثنتين ، وتحاسب المسئول الذى سهل الاستيلاء على حق المواطنين. على الحكومة أن تضع خطة لتمليك الشباب مقابر بأقساط مريحة، وأن تؤمن للفقراء قبل الأغنياء ، مقابر تؤويهم! ليس من المعقول أن يعيش الإنسان فى عناء كى يحيا، وعناء كى يجد قبرا عندما يموت!. > أرى فى آخر النفق.. نورا.

@Novytique البقاء لله.. ربنا يرحمه ويغفرله ويصبرك

No one cared about you, all they cared about was the impact of anything happening with you

كان معايا مبلغ ، نويت أروح اتبرع بيه فى مستشفى أبو الريش للأطفال ، وأول ما وصلت بتاع الأمن بقوله: عاوز أتبرع ، جري جابلي كرسي ، وكان ناقص يشيلني ، قعدت على جنب بالكرسي .. شفت طفل متكفن ، يجى أربع أو خمس سنين من طوله على إيد باباه ، وواحد مستنيه بموتوسيكل ، ومامته بتجرى وراه ومعاها واحدة ، بيقولوا لو ملقناش ميكروباص هنتصرف ونيجى ، وفضلوا يجروا في الشارع ورا الموتوسيكل ، اللى هو مفيش تاكسى ياخدوا ابنهم فيه ، مش معاهم فلوس .. وأنا اتسمرت مش فاهم حاجة ، وفهمت بعدها من واحدة كانت واقفة جنبى طفلة يجى ١٢ سنة .. قالتلى: ده كان داخل على رجله ، واتوفى ، مامته كانت بتقول كدة وهى بتصرخ .. لهجتها صعيدية ، قالتلى أنا من أسوان ، بس لينا قرايبنا قاعدين عندهم ، جه أخوها يجى تلات سنين ، لقيت فى إيده كانيولا يا حبيبى ، وواقف جنبها الولد حافى .. أى وقت بالليل تعدى جنب سور المستشفى ، هتلاقوا ناس نايمة في الشارع ؛ دول أهل الأطفال اللى جوه مش معاهم إمكانيات يأجروا مكان يباتوا فيه ؛ فبيناموا في الشارع وكمان ساعات يندهوا على أهل الطفل ، محتاجين لبن .. محتاجين دواء .. يعنى منتهى الذل .. دخلونا للمدير الإدارى ، الراجل رحب بينا ، وجاب لنا مدير الخدمة الاجتماعية ، طلعنا مكتبه وجاب ملف فيه حالات محتاجة .. أطفال محتاجة علب لبن ، ومفيش إمكانية ، يعنى ممكن يموتوا عشان مفيش لبن .. طفله عندها ٨٠ يوم ، عاوزة أنبوبة أكسجين ،، ومفيش إمكانية ، وأهلها بيلفوا يدورا على حد يسلفهم .. طفل محتاج دوا بألف جنيه ، وحالته خطيرة ، مش مع المستشفى غير ٢٠٠ جنيه ، وكمان تبرعات .. وحالات كتيييييير مش قادر أوصفها ، بس دول اللى فاكرهم .. المستشفى فيها أورام وقلب مفتوح وفشل كلوى ، فبقوله: يا فندم ليه مش عامليين دعايا ؟! قال لي: احنا مش معانا نصرف على الدعايا .. التبرع إنك تساهم فى علاج حالة ، أو تتكلف بروشتة ، وهما يبلغوك محتاجين كام ؟؟ أو تعين أسر فقيرة مش لاقية تاكل ، وليها حالات عندهم .. فيه أسر جاية من أدغال مصر ، وفى أسرة مش معاها موبايل ، متخيليين إنهم قاعدين في الشارع ، عشان لو حصل حاجه محدش هيعرف يوصلهم .. أى جنيه بتدفعوا بيبعتوا عالواتس صورة بالفاتورة ، الراجل قال: إحنا هنا بفضل ربنا ، وتبرعاتكم هى اللى ساندانا .. انا مكنتش ناوي خااااالص أقول لحد ، بس بعد اللى شفته بعينى ، وأد ايه الناس دى محتاجة ومحدش يعرف عنهم حاجة .. دول أطفال بتموت ، وأطفال فى حضانات ، وأطفال عندها أورام ، واللى عندها أيام وتموت ، وأطفال صمامتها مسدودة ، وعندها أكتر من ثقب ، وأمهات شفتها شايلة عيالها صغيرييييين ، وفى إيديهم الكانيولا ، كنت عاوز أبكي جنبهم .. حمدت ربنا على كل نعمة مش حاسين بيها ، وإن الحمد لله أولادي كويسين .. ربنا يجيرهم فى مصائبهم .. لو كل واحد فينا أقل الايمان ، خد خمسين جنيه وراح هناك ، أقسم بالله ممكن تنقذ طفل ، احنا بنشترى تفاهات كل يوم ، وكولا وشيبسي وشوكولاته وبناكل بأكتر من كده ، أكننا مش هناكل من بره يوم .. ممكن كل كام واحد أو واحدة وصحابهم ، يلموا من بعض ويتصدقوا كل شهر هناك ، وخلوا كل مرة نية حلوة للصدقة الجميلة دى .. مرة تنجح ، مرة تتجوز ، مرة يطول فى عمر أهلك ، مرة لمتوفى، والله والله ربنا اكرم مننا ؟ احنا اللى محتاجين ده مش هما .. طولت عليكم وياريت تعملوا شير ؛ عشان الكل يشوفوا إبداء بنفسك وساعد غيرك .. مستشفى أبو الريش للأطفال ، فيها اطفال بتموت عشان أهلهم مش معاهم ٥٠ جنيه يجيبوا علاج .. اللي عاوز يتبرع يروح بنفسه، ويجيبلهم علاج أو دم أو يتبرع فى حسابهم فى بنك ناصر الاجتماعي المستشفى معندهاش فلوس ؛ علشان تعمل دعاية زى مستشفى 57 أو مجدي يعقوب ، فخلينا احنا نبقى الدعاية بتاعتها ...... شير فى الخير .. عايزين نشير علشان الناس تساعد .... والخير دوار ... شير فى الخير دعوة للتبرع لمستشفى أبو الريش للأطفال .. فيه وسيلة سهلة للتبرع عن طريق خدمة فوري .. ربنا يتقبل .. لا تستصغروا فعل الخير .. فربما كانت هي المنجية .. منقول ( ع فكرا احنا نقدر نعمل احسن اعلان للمستشفي دي نحط الكلام دا ف جروبات وع صفحات دا لو مش هتقدر تتبرع ليها غيرك ممكن يشوف الكلام دا وربنا يقدرو ويساعد ) منقول