Venko Filipce @VFilipche

Иван Стоилковиќ. До вчера вицепремиер, заменик на претседателот на Владата и министер за односи меѓу заедниците. Прв човек на Христијан Мицкоски. Денес министер за локална самоуправа во Владата на Македонија. И токму тој министер денеска на својот Фејсбук-профил промовира текст полн со најтешки навреди кон мене и кон СДСМ. Ова не е обичен граѓанин туку министер на Владата на Република Македонија. Ова е лицето на оваа власт.

Згрозен сум од она што им се случи на нашите млади во Ново Село. До каде е подготвена една криминална група како ВМРО да оди за да ја сокрие вистината - до таму да напаѓа млади луѓе? Барам од Обвинителството и полицијата веднаш да ги пронајдат насилниците и да утврдат кој е налогодавец. Ова не смее да помине неказнето. Наскоро доаѓа време на вистина и правда.

Покрај тоа што сме трета економија во Европа и први по туризам, сега сме и лидери во авио-сообраќајот. Има ли уште нешто во кое сме први - освен по празни фрижидери и празни паричници, нешто што граѓаните сè уште не го знаат?!

Хирургијата бара прецизност, одговорност и чисти раце. Политиката што ја водат ВМРО и Мицкоски - обратно. Додека ние спасуваме животи, тие ја трујат државата со лаги, поделби и криминал. Време е конечно да се оперира системот. Без анестезија.

Две и кусур години апсолутна власт на ВМРО-ОКГ. Сѐ уште виновен е некој друг. Сега веќе не е доволен ниту СДСМ (кој, патем, никогаш не бил на власт во Гостивар). Виновни се луѓе од пред децении. Уште малку ќе го обвинат и Тито. Народот пие отруена вода, а тие бараат виновници во минатиот век. Циркус Мицкоски.

Има ли воопшто нешто за што ВМРО е виновно? Секогаш некој друг. Секогаш некој порано. Ова веќе не е политика. Ова е градинка. Циркус.

Министерот за здравство ги навредува моите колеги лекари и професори. Морам да застанам во нивна одбрана. Кога бев министер за здравство и нè затекна пандемијата на ковид, соработував со сите и ги слушав советите на моите колеги. Тоа беше единствениот начин да се заштитат граѓаните. Очигледно е дека Мицкоски влијае врз своите министри и им го пренесува својот модел на однесување - навредување. Во вакви ситуации министерот нема право да се пресметува со оние кои ја кажуваат вистината. Ова не е момент за пропаганда и чување на рејтинг. Ова е момент да се преземе одговорност и да се помогне на граѓаните - слушајќи ги советите на стручните лица, а не напаѓајќи ги.

Ова е Македонија под ВМРО-ОКГ и Мицкоски. Во Гостивар има епидемија, здравјето на луѓето е загрозено а никој не ја прогласува. Власт која не прогласува епидемија кога експертите велат дека постои. Власт која крие, негира и чека да експлодира проблемот е власт која не се грижи за луѓето. Истиот стил како и со дрогата, цените, нафта, Гостивар и сè друго - прво негираат, па кога ќе биде доцна, ветуваат „наскоро ќе се знае“. Лаги, прикривање, бегање од одговорност. Ова е неодговорно и срамно. Повикувам на инта институционална реакција и решенија за заштита на здравјето на граѓаните.

Народот сака европска Македонија. Народот нема да дозволи една криминална група да ја украде неговата иднина. Народот ќе победи, европска Македонија ќе победи!

СДСМ дополнително се зајакнува. Со задоволство ги информирам членовите дека Горан Герасимовски ќе го номинирам за нов потпретседател на #СДСМ. Горан е човек кој со силна, посветена и одговорна работа ја заслужи довербата на граѓаните на општина Центар. Победата и освоениот втор мандат како градоначалник се најдобра потврда дека резултатите, блискоста со луѓето и искрената работа секогаш се препознаваат. Убеден сум дека Горан, со своето искуство, работа и искрена желба, ќе внесе нов импулс, ќе ги обедини сите наши капацитети против криминалната власт и ќе даде придонес во градењето на уште посилен СДСМ. Продолжуваме заедно, со посветеноста и новата енергијата на целиот наш тим, за подобра иднина на Македонија. ✊

🇲🇰 🇺🇸 Слобода. Демократија. Правда. Партнерство и заеднички вредности. СДСМ денес е на прославата на 250 години од независноста на САД. 250 години слобода на САД. Доаѓа време да дочекаме и ние слободна и демократска Македонија.

keyboard_arrow_left Previous keyboard_arrow_right Next

Денес Црна Гора официјални доби потврда дека ќе може да користи 3,2 милијарди евра европски средства. Многу бргу ќе ги почувствуваат придобивките од членството во Европската Унија. Во Македонија, освен закани за апсења од премиер кој не исполни ниту една реформа - нема ништо друго освен криминал и корупција. Нема перспектива. Буџетот е празен. Економијата е во колапс. Веќе нема пари ни за пензии. За секоја критика на Владата се добиваат закани, бидејќи е загрозен нивниот плен - парите на граѓаните на Македонија. Честитки до земјите кои во 2028 година ќе бидат дел од големото европско семејство. Нам ни останува да се ослободиме од организираната криминална група и нејзиниот шеф Мицкоски, кој ја изолира нашата држава и од неа прави слепо црево на Балканот. Тогаш, во слободна, демократска и европска Македонија, ќе владеат вистина и правда, а граѓаните ќе живеат достоинствено.

Milojko Spajić @MickeySpajic

a month ago

🇲🇪🇪🇺 Evropska sadašnjost Crne Gore! Velika vijest i zvanično iz Brisela - Crna Gora je dio narednog sedmogodišnjeg budžeta Evropske unije (2028-2034)! Naša zemlja je jedina država kandidat obuhvaćena ovim finasnijskim okvirom što je potvrda da je EU vidi kao svoju narednu

29 59 368 67K 12

Наскоро граѓаните ќе видат како изгледа криминален закон. Нема да дозволиме изборна кражба. 10.000 амандмани спремни.

keyboard_arrow_left Previous keyboard_arrow_right Next

Современиот патриотизам на Мицкоски во пракса: • Инвестициите паднаа за 60% • Реформите исчезнаа (ветуваше до 1 јуни, повеќе не ги споменува); Европа го врати „реформираниот“ закон за Судски совет на повторно реформирање • Институциите се во распад - Полицијата служи за шпионирање на опозицијата и заштита на криминалот; Судството е целосно партизирано; На обвинителството му се нарачуваат политички прогони преку собраниска говорница, телевизија или преку телефон – „ало, Савевски“. Треба ли уште објаснување на Мицкоски, за да преминеме од зборови на дела? Ова не е патриотизам, туку авторитаризам во служба на криминалот и корупцијата.

Не разбрав. Дали треба да го осудам објавувањето на документот од Јануари, за кој сè уште не се знае кој и од каде го објавил, или да осудам што Мицкоски со семејството оди на скијање во Бугарија? Семејството на Мицкоски има бугарско државјанство, па веројатно таму се чувствува како дома. Не можам да осудувам приказни од типот „рекла-казала“. Колку што видов од нивните објави, истрагата е во тек, па не би сакал, како Мицкоски, да коментирам истраги – тоа не е примерно. Секој напад врз нечие семејство го осудувам, без разлика на државјанството. ВМРО има толку многу луѓе со бугарски државјанства и пасоши што таа тема им ја оставам ним да си ја решаваат меѓу себе. Јас ќе продолжам да се занимавам со Македонија и нејзината европска иднина.

Овие не живеат во Македонија. Двојното државјанство очигледно им ја замаглило перцепцијата. Куповната моќ и платите, животниот стандард - тоа е во ЕУ, не кај нас. Кај нас има изолација и сиромаштија.

Двајца Мицкоски Едниот ветуваше враќање на името БЈРМ - другиот не сака ни да го спомене. Еден беше против Преспанскиот договор - другиот го нарекува „ремек дело на дипломатијата“. Еден беше против НАТО - другиот вели дека е феноменално за безбедноста на граѓаните и за странските инвестиции. Едниот зборуваше за подобра преговарачка позиција со ЕУ - другиот вели дека ќе чекаме со децении и „ниту милиметар“. Едниот велеше дека до 1 јуни ќе ги исполни реформите - другиот веќе не ги ни спомнува реформите. Едниот тврдеше дека не го познава обвинителот - другиот му се јавува по телефон и му наредува процеси. Едниот ги повикува младите да се вратат во Македонија, другиот најавува нивна замена со мигранти. Едниот ветуваше раст на инвестиции - другиот ги намали за 60 отсто. Едниот ветуваше намалување на задолжувањето - другиот за две години ги задолжи граѓаните за над 2,5 милијарди евра. Едниот предложи закон за пратениците да не можат да имаат двојно државјанство - другиот го повлече законот поради бугарски пасоши. Едниот ветуваше борба против криминалот - другиот шверцува 5 тони дрога преку граница. Едниот вели дека буџетот е во одлична кондиција - другиот прави ребаланс затоа што нема пари. Едниот вели дека сме трета економија во Европа, другиот вели дека нема пари за зголемување на минималната плата на 600 евра. Едниот зборуваше за полн мандат на Владата - другиот бара предвремени избори, а нема алиби. Едниот лаже. Другиот ги правда лагите. Ете, двајца Мицкоски, па вие верувајте му кога зборува за “предавници” и “патриоти”!

Додека Украина и Молдавија го отвораат првиот кластер во преговорите со ЕУ – со фокус на владеењето на правото и силни институции како „темели на процесот“, како што посочи претседателот на Европскиот совет, во Македонија, ЕУ го враќа токму усвоениот реформски закон за Судскиот совет. По телефон, преку медиумите и од собраниската говорница, Мицкоски диктира судски процеси и ја руши независноста на правосудството, со што директно ги разорува институциите на правната држава, за да избегне одговорност за криминалот и корупцијата. Додека другите напредуваат, Мицкоски упорно нè води назад. Без владеење на правото и независни институции – нема европска иднина. Фронтот за вистина и правда е јасен: само со реформи, независно обвинителство и слободно судство, граѓаните можат да ја вратат довербата во институциите. Затоа ни е потребна европска Македонија. Реформи сега. Европа сега.

António Costa @eucopresident

2 months ago

Today, the European Union took a major step forward. All member states agreed to open the first accession negotiations cluster with Ukraine and Moldova. At the first intergovernmental conference on Monday, we will open the cluster on fundamentals; the backbone of the accession

350 454 2K 70K 49

Дали ова значи дека претседателката Сиљановска сака да се приклучи на Фронтот за вистина и правда? По прв пат некој од ВМРО јавно го кажува она што ние во СДСМ, а сега и во големиот граѓански фронт, го повторуваме веќе долго време. Историските спорови со Бугарија и работата на Историската комисија не се дел од условите за продолжување на преговорите со Европската унија. Тоа е билатерално прашање меѓу Македонија и Бугарија, а не европски услов. Упорно објаснуваме дека реформите и Копенхашките критериуми се европски барања a не бугарско прашање и дека се клучни за продолжување на преговорите. Реформите не претставуваат никаква закана за јазикот, културата и македонскиот национален идентитет. Не смееме да дозволиме Мицкоски со лаги и пропаганда да го дели народот, да ја изолира Македонија поради својот криминал и корупција и да ја остави Македонија како слепо црево на Балканот. Гордана, ви благодарам за вистината. Како професорка по право, се надевам дека наскоро ќе бидете и на страната на правдата. Реформи сега. Европа сега.

keyboard_arrow_left Previous keyboard_arrow_right Next