فّ . @i4fa_

أنا سيّد أفكاري ما أحب أتبع التنوير قناعاتي اللي داخلي .. موجز أحزاني ما أعيش الحياه اللي تجي وفق فكر الغير شعوري عميق ومنطقي منطق إنساني ولاني بحاجه حُب واهم ، ولا تقدير أنا نصفي الأول .. وأنا نصفي الثاني

إستعذت من الدروب اللي نهايتها حسافه قبل ترميني ملذات الزمن .. في جوف غبه شيمة الانسان ميزان اعتداله وانحرافه تنذره لا شافت الاوضاع ما هي مستتبه إن عجزت إنك ترد النفس عن شيٍ تعافه ماقدرت تحط نفسك فالمكان اللي تحبه .

الوصال اللي تحبه لا حصل من غير خاطر جنبه حتى لو إن الوصل شوف اللي تحبه لـ أنجبرت إنك تحط العذر في كسر الخواطر حاول إنك ماتحط الذنب في وجه المحبة

والله ان قد لي ماني بطيّب مونسٍ خلف الضلوع العوج حره اتغاضى واتغيشم واتسيب واتظاهر بالامور المستقره من نشدني من بعيد ومن قريب قلت ما فيه اطيب من الحال مره واظهر الهيبه على العالم واغيّب ضيقةٍ حطت لها فالصدر جره اشهد ان ضيق الصدر ملعون صيّب ياكل ايام العمر والعمر مررره

جعل السحاب اللي معه برق ورعود يمطر على دار وليفي سكنها   يسقي وطن منتوقة العنق ياسعود مالي وطن بالعارض الا وطنها قلبي غدا واستيسره لين العود محد يفك القلب ياسعود منها

أستحيت من المشاريه ومعاتب جفاك وأقتنعت إن الغلا مايجي عرض وطلب .

اترك الليله تجر الخطاوي لـ الشتات لي على دربه مساري و فـ مراحه وسم لو عطيت العمر جملة هقاوي وامنيات ما عطيت الحزن من باقي ايامي قسم من بديت اقسى على كل ضجه بالسكات ما كبر للهم هامه .. ولا للحزن اسم صاير امر المنازل ، واشوف الذكريات وانفض يديني من اللي تبقى وابتسم .

الذكريات بكل الأحوال تشقيك مافيه روح من الحنين استراحت تحزن على ذكرى حزينه تبكيك وتضيق من ذكرى جميلة وراحت .

انا من ظروف الوقت ضاقت علي الارض فقدت السبيل اللي يجيب الطمأنينه خطوط المحبه لو تجي طول ولا عرض ترى من سلك معها قلع ب اصبعه عينه الاعجاب دافع حب والحب مثل القرض يازين البدايه فيه . . واخرهْ ياشينه وقوف الرجل دون الكرامه سواة الفرض لو إن النتايج . . تنعكس فـي محبينه .

ما يعنيني غياب ولا تضيعني مسافه والتجارب عن قناعة كافله للي يليها كل شي كنت اخافه شوفني معاد اخافه وكل حاجة كنت ابيها هذا انا معاد ابيها بختصار اني بعد ما ذقت من مر الحسافه وانتهيت الحمدلله حالفٍ معاد اجيها التبلد صار عندي له مكان وله ضيافه لو طلبني فرحتي بأقول له تامر عليها .

تغيّر علي الوقت واخذني من اقصاي يا وجدي على خبري من اوّل ويا صبري عسى وضعي المزري يزيّنه الزمان الجاي مابي من عطاه إلا اني ( ارجع على خبري ) .

خطايّاك واجد والعذر ماقدرت القاه جروحك يحس بـ ضيقها من مجربها ولو الغلا يدمح خطايّاك في مأواه ترى النفّس في حفظ الكرامه مدربها تحمّلتك الين الصبّر طاح من مركاه واخاف انفجر من شي تافه و اخربها .

حتى لو ان الغلا فيني وصل حده لي عقل يدرك حدود الشوق ويكابر قياس عمق الجروح يحدد المده مدة تحولك من غالي إلى عابر لاشفت مركب غلاي رياحك تضده بيصير مالك مكان وقيمة و دابر كسرت لك خاطر ومديت لك صده والخاطر إليا انكسر ماعاد له جابر .

الثقه بنت السدود اللي ماهيب قريّب و شرهة الغلطه على الغلطان و المتمادي من طلع من فوق ظنك فيه قله: طيّب و من قصر من دون ظنك فيه قله: عادي والله إنه ما يحنّ إلا الرفيق الطيب لا غلط له غلطةٍ ما له عليها حادي .

المواصل في المحبه شيء اساسي وافتراضي والتجافي لو يضيق خاطري ما قرب اجلي فيه امورٍ مايجوز العذر فيها و التغاضي لـ وصلنا عندها حطيت قلبي تحت رجلي

شعار المرحّله / غدا عقله مريضّ الشوق و افكاره بلا تحرير وهو يدعي عسى حبر الوصّل ما جفت أقلامه .

عفى الله عنك يا حلم ٍرسمته بالطريق وتـاه وأنا في داخلي فوضى حزن وأوجاع مختلطه .

والله انّ اقسى ليال العمر .. وأكثرها ندامه يوم ارتب لي معك فرصة وصال .. ولا تهيا ينتهي عقد الشغف وتموت كلمه وابتسامه كان مالي من وجودك حظ .. ياسمح المحيا .

عن المجتمع قمت اتشطر وقمت اغيب بعيداً عن الضوضاء واحب اجلس لحالي في عزلتي بظل لين الجروح تطيب و معذور لو يمناي ما تامن شمالي غداة الثقات من اقرب الناس شك وريب ولا عاد جات الموجعه كون من غالي يزارقني بخبث وانا ازارقه بالطيب وادور الراحه وهو يدور غثى بالي .

واكتفيت بمشاهدة الأشياء وهي تذهب، وهي تأتي، وهي تبقى، حتى أني لا أفعل شيئًا سوى المشاهدة..لم يعد هناك شغف تجاه اي شي .