♡͟ @thm155

يا أعظم من بقى يلمح في وجهي نوري الوقّاد تعال أسرقني من سُخف الحياة و عالم فاضي على ما تشتهي خذني و لا تشاورني و تنقاد قِدم رجليك لو مهما تودّيني أنا راضي توسّدني وطن لو ما وسع صدرك فضاء وبلاد أنا كل الدروب اللي تخلت عنك في الماضي❣️

قاصده حُبّه وتاخذني على الحبّ الحميّه وأدري إن الحبّ مايرحم محبينه وآله قلت له حاول تمدّ الوصل قال أنتي عصيّه ما منعني عنك غير إني فهد وأنتي غزاله قلت له ما دام موتي فيك ؟ ما خفت المنيّه والله اللي مرحبا بالموت في رجوى وصاله ♥️

ما أحب أحس إني مثل باقي البنات أحب أحط إيدي على الشيء الثمين أطيش لكن طيشي لحد الثبات و أضحك مع العالم لكن ضحكي رزين أبكي على ما مرني من ذكريات وَ أحزن على الدنيا وَ موت الطيبين

على أرض السهر جالس وأدور للعيون نعاس عشان أتلحف أحلام اللقاء وأعوض أشواقي تعبت أجمع معاذير الغياب وأقنع الهوجاس ترى عقب السموم غيوم والساقي هو الساقي حبيبي والهجر أصعب من الزفرة على الأنفاس فقدت أجمل أحاسيس الفرح وابيضت أحداقي كثر ما قد شربت الصمت من كف العنااء والياس كثر ما قد كتبت الشعر موزون على أوراقي ألد العين بغيابك ولا ألقى سوى مجلاس تلاعب داخله ريح طغت من عقب عشاقي يقولون الصبر نعمة وخفت ان الصبر ينداس رجعت أسترجع الذكرى وأربط جاش ميثاقي يطل الصبح من خلف الظلام ويربت النسناس على كتفي وأنا اتشبث بظلمة ليلي الباقي لكن ما الله كتب لقيا مع حضرتك يا المياس يمر اليوم الخامس، وأنا انتظرك على ساقي

فمّ المدينة صمت .. والخاطر يضجّ بهْ الحنين وبال الشوارع بـ انتظار الليل يسرق فرحتي ! متفقد البارح بـ عين اليأس لا قالوا : تزين أذكر على الكرسي بقايا ضحكتين لـ عبرتي ! هذا الشعور يشب مرّة .. كل ما دار سنتين والنفس تهرب بـ الطواري .. والمسافة عزلتي ! واقف على جرف الصور من لاحت لـ عمري يدين ما زال في عمق الألم صوتك يطمن وحشتي !

والله إن صدري معافى وخفاقي نظيف لو أشوف الحزن في عين حسّادي زعلت الملامح بعض الأحيان تظهرني عنيف ولاّ أنا بالكلمة الطيبة .. ماقد بخلت أقبل بوجهٍ يشرف ومنطوق عفيف ولا لقيت إللي ينقص من حضوري رحلت.

اخاف انحرم من شوفتك و الذكي خواف أطيع الزمن لو كان ما ودي اطيعه أحبك وتباً للتقاليد والاعراف ابضيع بين ايديك والضيعة الضيعة انا شعب وبصدري قبايل وجمع اطياف يحبونك السنة ويغلونك الشيعة وصلتك بما فيني من إرهاق واستنزاف أقدم لك الطاعة واجدد لك البيعة .

إستعذت من الدروب اللي نهايتها حسافه قبل ترميني ملذات الزمن .. في جوف غبه شيمة الانسان ميزان اعتداله وانحرافه تنذره لا شافت الاوضاع ما هي مستتبه إن عجزت إنك ترد النفس عن شيٍ تعافه ماقدرت تحط نفسك فالمكان اللي تحبه .

غيابك برّك أحلامي من الدنيا و صار أثقل من جبال الحجاز اللي تضم الغيم و تحوفه لا يعميك الزعل لا ثار قلبي للكلام و زل أنا أكثر شخص روحك تعرفه و عيونك تشوفه تعال المشكله طالت تعال و وجهك أنت الحل محلك و أنت راعيّه و تأخذ حكمك ضيوفه

خذني معك ! وُ ضمّني بين الحنايا والضلوع محتاج ضمه لين قلبي يطمئن بالاهتمام مليت من كسر الخواطر والجفيّا والدموع ودي معك يالين نام الليل وصحى بك و نام ليت الليالي ما تنسيك المحبه والطبوع صرنا ضحايا في سواليف الحزن والانتقام فيني شعور الضيق في صدري و فالخاطر جزوع تخنقني العبره و تنزل دمعتي قبل الكلام ودي اعيش العمر كله بالانتصارات الرجوع ليت النهايه ردت الايام يا مسك الختام حظنك وطن ونا غريب الدار في يمك طموع ازعل على صدك و سامح فيك من باب الغرام انته الوحيد الي تفرّد بالوصايف كل نوع ونته منَ عظم حاجتن صار على وجه السلام العام قلبي ما رضى غيرك و لو انه قنوع واليوم عاده منتظر طيفك يمرّه بعد عام كل الدروب المقبله يمكن تغيّر في سبوع إلا دروب العاشق الولهان بحزان وظلام والوقت لو غيّر مفاهيم الموّده والوجوع ما ضاع مفهومي و لا ضاع المبادي والهيام

أنتظرني لين اجي غيمه لـ ماطرها غزاره حالفه لا آنساب بين اصابع إيدك و آتخلل

@aseefoa أثر الغلا ماهو حكي .. بعض الحكي ما له مقام والنظرة اللي ما توصّف شوقها .. من قيلها ما كنت أبي قربك كثير .. إلا لأجل أعيش بسلام حتى الدروب اللي تمرّك .. ما بغيت أبدّلها من نظرتك يبدأ صباحي .. لو يجي قبلك ظلام وإن غبت عنّي ضاع معنى الفرحةِ وتهليلها #مجاراة

#شركة_الصحة_القابضة ممكن تنزلون مكافئة الانتقال + مكافئة نهاية الخدمه للمنطقه الشرقيه اللي لها 5 شهور ننتظرها احر من الجمر قلتوو بتنزل الثلاثاء او الاربعاء اذا لم يحدث عارض وبالاخير يطلع فيه خطاء في المسيرات الخطأ ماطلع الا الحين تو يكتشفونها بعد مرور 5 شهور ؟؟؟ حق من حقوقنا

دامني في ذراك أعيش عيشةٍ كريمة والكرم ، والرجولة ،عادةٍ للسنافي ماخذه من طبوعك قوّ باس وعزيمة والهدوء ، والرزانة ، والثقل والتكافي خلنا نقلب الأمثال لو هي .. حكيمة ودّي أوضّح الصورة بـ بعض القوافي خلف كل الرجال نشوف مرأة عظيمة بس أنا أحس بالعظمة لأنك خلافي 🤍

@anoudfaraj ياعين الابو والاخو والعايله والحبيب تجرعت الالم والجرح والطعنه دبل والشيب و قار للي معه عقلٍ لبيب ينذرك لا من تاهت بك كل السبل الله كتب و الله جعل و الله قريب والله لحل عقود الحبال حبلٍ حبل واكون لكل علة حزن جراح وطبيب وبتسالين صدق هو اللي شفته قبل ؟

متغير ، و لحيتك بيّن عليها المشيب ذبلت مثل السرور اللي بـ صدرك ذبل سعادتك غايبه ، و انا ما بيها تغيب لو انها في يدي جتك السعاده دبل انت الابو و الاخو و العايله و الحبيب لو هزك الحزن تبقى في عيوني جبل اللي بنفسك تحت حكم القدر والنصيب ويكفيني اسعى على شانك بشتى السبل الحزن يصنع من المألوف وجهٍ غريب واخاف لاشفتك أسأل وين شفتك قبل ؟

@trendnews_24 تم . . ﴿ رِجَالُ صَدَقُوا مَا عَاهَدُوا اللَهَ عَلَيْهِ ﴾ اللهمَّ استودعناك جنودنا جَوًّا وبحرًا وبرًّا، فاحفظهم بحفظك يا رب وأيّدهم بنصرك وثبّت أقدامهم واجعلهم درعًا لوطنهم وأهلاً لهم اللهم ردّهم إلى أهلهم سالمين مطمئنين.

جف بيّر ومات غصَّن وهاجر من الغصّن طيره و المساكن خاليه و الصوت ما عمّ الحواري! ذكرياتي و الهوى و الليل و الشوق و نذيره هي مسيره ؛لـ ارتيابي و اضطرابي و انهّياري صرت لا مر الصّباح و جات شمسه مستنيره رحت ادوّر فيه لـ السلوى ولـ البسّمات طاري! مايرد الياسّ عزم ولا محى النسيان .. سيره هذا انا واقف وادوّر لـ الامل ضوح و موارّي

لا تلّوموني . . ليا من غبّت الايام الاخيره عايش الغربه ووحشتها و انا داخل ديارّي! اكبر من الكفر في قلّب الوليد ابن المغيره و اوضح من الحقّ عند لسان ابو ذر الغفاري الطيّوف الي من الغيّاب صارت لي خشيره من امامي من خلافي من يميني من يسّاري أتغنى ( ياحبيبي شرهة العاشق .. كبيّره و كل ما زاد الغلا زاد المعاتب ) وانتظاري مابعدك الا شتات و غصّه و وحده و حيّره وضيق واحزان وجروح ودمع وألامَّ وطواري!

مثل ما كنت أشوف، إن الحياة المقبلة صعبة مثل ما شفت، إنك لي ملاذٍ.. بالسنين السود نزلتي في صحار الروح.. مثل الغيمة العذبة ورويتي شوك عمري.. قبل، ما تروين منه ورود! على وجهك، حضني حظ.. راجع، من بعد غربه وعلى وجهك، بكيت من الفرح، حتى قبل لا يعود! وعطيتك خافقٍ، ما زل في درب الهوى.. قلبه لقاك الدار، والغاية.. وحلم، وملجأ، ومقصود وعشقتك، مثل طفلٍ.. شاف في رف المحل.. لعبه تعب يمشي، وحصلها، وكسرها آخر العنقود! وشربت العز، من صغري.. ولا ترويني الشربة ولا أرضى بـ شيءٍ، يلحقه.. نقصٍ ولا منقود مثل طيرٍ، يعاف القاع.. وما يرقب، على التربة سماواته تعزّه.. والوفا، بجناحه المفرود وأنا اللي لو يميل الوقت.. ما يبدي لـ أحد كربة ولو موتي، بيدين الناس.. ما أطلب فوق عمري زود فلا.. ترجى هواني.. لو تعرّى قلبي، بحبه أنا اللي بالغلا، ما أقول: جود الوصل بالموجود!